فلسفه عالريق(يوم من ايام رنا)

ELBENT ELMSRYA: غارقه فى احلامى " اللى مش بافتكرها اصلا " واذا بصوت ياتى من بعيييييد

رنـــــــــــــــــــا رنــــــــــــــــــــــــا
ELBENT ELMSRYA: انتى انتى اصحى بقى "بتزق "

رنـــــــــــــــــا رنــــــــــــــــا " بينادى على فكره "

ELBENT ELMSRYA: نعم يا ماما ايوة يا بابا

قومى يلا
ELBENT ELMSRYA: هى الساعه كام يا اخوننا
الساعه 6

ياااااااه ده لسه بدرى اوى يا جدعان
ELBENT ELMSRYA: بتصحونى ليه
ELBENT ELMSRYA: انتوا متعرفوش انا نمت امتى اصلا
ELBENT ELMSRYA: ولسه بدرى عالكليه

اها
من انتى عامله زى الخفاش
ليلك نهار ونهارك ليل من ساعه الكمبيوتر والزفت
امتى نخلص منه ونرتاح

خفاش !! " اما صحيح صدق اللى قال القرد فى عين امه خفاش " يا سلام دايما مظبطانى كده يا ماما ده انا اتغريت وبدات اصدق " طبعا انتوا محدش يصدق :D

D"

الناس دى مش مقدره تفكيرى وعقليتى الفزه
ELBENT ELMSRYA: بكره يعرفوا قيمتى

ELBENT ELMSRYA: ها اا " شويه عنطزه"

ELBENT ELMSRYA: رنا " بيزعق على فكره الحق نفسي واقوم احسن "
ELBENT ELMSRYA: ايوه يا بابا والله قمت
ELBENT ELMSRYA: ايه الناس اللى بتقدس الصحيان بدرى دى
ELBENT ELMSRYA: يلا قدرى " ابهاتنا ولازم نستحملهم " اما اشوف الجدول
ELBENT ELMSRYA: يا نهار ملون
ELBENT ELMSRYA: ايه الحلاوه دى
ELBENT ELMSRYA: كامل كده واورجانك عالريق
ELBENT ELMSRYA: " يا دى الحوسه
ELBENT ELMSRYA: نهارنا فل
ELBENT ELMSRYA: اما اروح اغسل من وشي شويه النوم للى ما نمتهمش دول و نلبس بقى حتى نتفادى التهزيق
ELBENT ELMSRYA: ايدك يا بابا عالمصروف
ELBENT ELMSRYA: وخدنا اللى فيه النصيب ومشيت " مطيعه خالص"
مواصلات وحوسه وحر وسحت خلاااااااص واخيرا وصلنا
ELBENT ELMSRYA: اممممممممم بقى انا بعقليتى المعمليه العلميه الفلسفيه الفذه دى ممكن اروح وابوظها واحضر اورجانك
ELBENT ELMSRYA: لالالالا

: هاا " خضه

ELBENT ELMSRYA: ايه ده هما فتحوا كافيه جديد
ELBENT ELMSRYA: طب انحراف بانحراف بقى
ELBENT ELMSRYA: هاروح الكافيه بلا اورجانك بلا نيله ولوحدى كمان
ELBENT ELMSRYA: احم احم وبادخل الكافيه لوحدى على غير العاده "عمرى ما عملتها "
ELBENT ELMSRYA: واذا بواحده لقيتها جايه وشكلها كده بتخانق دبان وشها جايه عليه

ELBENT ELMSRYA: ربنا يستر علينا بقى وما اتفضحش اول مرة ادخل كافيه


even in my heart: يا صباح الخير الانسه شكلها جديده اول مره تشرفنا
even in my heart: تشربي ايه


صباح النور يا افندم فعلا دى اول مرة اجى هنا

يا ريت لو سمحتى واحد كوفى ميكس والا بلاش ده اصله تقريبا كده فيه منوم

يا ريت واحد موكا لوسمحتى


even in my heart: احم احم اصطبحنا


even in my heart: خلاص افهم من كده ان حضرتك عاوزه واحد نسكافيه
even in my heart: بدل الفلسفه دي كلها
even in my heart: عالصبح

ELBENT ELMSRYA: ياااه
ELBENT ELMSRYA: فلسفه ؟ يا سلام جيتى عالوتر الحساس
ELBENT ELMSRYA: انتى عارفه فلسفه دى يعنى ايه ؟
even in my heart: يارب سهل
even in my heart: يعني اييه اصلي مختهاش في ثانوي

ELBENT ELMSRYA: بجد ؟؟ طب اقولك انا
ELBENT ELMSRYA: دى كلمه مشتقه من فيلاسوفيا
ELBENT ELMSRYA: اللى هى كلمه يونانيه معناها الحرفى حب الحكمه
ELBENT ELMSRYA: انتى عارفه لوسالتى يعنى ايه فلسفه

ELBENT ELMSRYA: ده فى حد ذاته سؤال فلسفى
ELBENT ELMSRYA: اقولك ليه
even in my heart: dيا صلاه النبي
ELBENT ELMSRYA: عليه الصلاة والسلام عارفه لان الفلسفه دى هى الميل الى التساؤل والتدقيق والبحث عن ماهيه الشى
even in my heart: عن ايه يا شابه
even in my heart: قصدي يا انسه

even in my heart: قولي كده بقي انتي شكلك طمعانه انك متدفعيش الفلوس
even in my heart: انا عارفاكم
even in my heart: عماله تتكلميلي في المهيه والمرتب

ELBENT ELMSRYA: ههههه لا يا ستى مش قصدى المهيه بتاعتك دى
ELBENT ELMSRYA: قصدى ماهيه الشئ اللى هى هيئته يعنى التفكير فى اى حاجه وكل حاجه انتى عارفه ساعات بتتوصف الفلسفه دى على انها التفكير فى التفكير نفسه
even in my heart: لا حول ولا قوه الا بالله
even in my heart: واللي وصفهولها ده دكتور مشهور يعني؟
ELBENT ELMSRYA: ههههههه
ELBENT ELMSRYA: تقريبا كده
even in my heart: ومين بقي اللي خترع العلم اللي انتي بتتكلمي فيه ده
ELBENT ELMSRYA: دى يا ستى نشات عند الاغريق
ELBENT ELMSRYA: كانوا بيحاولوا انهم يبنوا نظرة شامله للكون كله من خلال الواقع
even in my heart: الواقع ده يعني بيحسن النظر والا ايه؟
ELBENT ELMSRYA: هههههههه حلوه لا بيحسن من طريقه تفكيرهم ونظرتهم للاشياء بعيد عن النظرات السطحيه
even in my heart: اصلا اصلا انا سمعت زمان ان الفلسفه دي بتاعه الناس الازعين وان اغلبهم استغفر الله يعني بيجلهم ايام توصل بيهم انهم يكفر بالله واليعوذ بالله
ELBENT ELMSRYA: لالالالا
ELBENT ELMSRYA: كده انا ازعل
ELBENT ELMSRYA: الفلاسفه المسلمين تفاعلوا مع التراث الاغريقى
ELBENT ELMSRYA: ولكن دمجوه مع التجربه
ELBENT ELMSRYA: على ارض الواقع
even in my heart: متزعلي ولا تنفلقي زباين اخر زمن صحيح-دي في سري-
ELBENT ELMSRYA: وحولوها الى فلسفه العلم والتجربه يعنى خدوا منه اللى يناسبنا ويناسب عقيدتنا واللى متاكدين منه بالتاجربه
even in my heart: اه وبعديين
ELBENT ELMSRYA: انتى عارفه فى ناس بتوصفها بانها العلم الدارس للفن
ELBENT ELMSRYA: والعلوم
even in my heart: يعني هي اللي بتتحكم في سلوك فيفي عبده يعني؟
ELBENT ELMSRYA: هههههههههههه لا مش فيفى ممكن نمشيها عفيفى
دى معناها انها بتدى نظره عامه ودليل حياه شامل وبالطريقه دى هيحولوا معناها وهتبقى مهتمه بتحديد طريقه الحياه المثاليه
ELBENT ELMSRYA: ومش مجرد فهم الحياه
even in my heart: مش بقولك بتوصلهم للكفر
even in my heart: اه يعني انا لو عاوزه احسن حياتي واعلي ايرادات الكافيه اشتغل فيلسوفه بعد الضهر
ELBENT ELMSRYA: هههههههه
ELBENT ELMSRYA: عارفه كلمه فيلسوفه دى ممكن نقولها عينا كلنا
ELBENT ELMSRYA: علينا *
even in my heart: يعني ايه
ELBENT ELMSRYA ساعات بنقول على المبادئ اللى بنمشي عليها فى حياتنا اسم فلسفه حياه وطبعا كل واحد فينا له مبادئ واسلوب خاص وبالتالى بداخل كل واحد فينا فيلسوف

وساعات برده بنقولها على الشخص اللى بيتصرف بهدوء وهو واقع فى مأسه او مصيبه



بمعنى اصح انه بيمنع رد الفعل العاطفى اللى ممكن ينتج عن الحدث الماساوى ده

عارفه زى مين

even in my heart اه طبعا عارفه زيو الواد ليو اللي شغال هنا دايما هادي كده في نفسه وانا ابقي بتعفرت ادامه وهوه ولا هو هنا
ELBENT ELMSRYA:ههههههههه لا انا اقصد حد من المفكرين يعني زي
زى سقراط مثلا اللى اتناقش عن طبيعه الروح مع اتباعه قبل ما يشرب جرعه السم اللى حكموا عليه يشربها على طووول
ELBENT ELMSRYA: والله لو كنتى انتى مكانه كان زمانك بتقولى بلاش الطقيه عندى حساسيه

شكلك كده سرحتى
even in my heart لا اصل انا مش عارفه اغير فكرتي ان فيه تعارض بين الدين والفلسفه برده

لالالا اوعى تقولى كده عيب مفيش اى تعارض بين الدين والفلسفه بل بالعكس زى ما قلتلك ان الفلسفه هى اسلوب حياه فهى تامل

وزى ما انتى عارفه ديننا بيدعوا الى التامل وطول ما جواكى عقيده صحيحه وقويه وسليمه هتقدرى تفرقى بين الصح والغلط

وزى ما كلنا عارفينت ان ربنا امرنا بالبحث والتامل فى الكون فقال تعالى



قل سيروا في الأرض فانظروا كيف بدأ الخلق) (وفي أنفسكم أفلا تبصرون).

وغيرها من ايات الذكر الحكيم

even in my heart صدق الله العظيم معاكي حق والله يا انسه الواحد لازم بعد كده يمشي الكافيه ده عالفلسفه ميلخبطوهاش من هنا ورايح

ELBENT ELMSRYA: ههههههههه
ELBENT ELMSRYA: طبعا طبعا
ELBENT ELMSRYA: وبعدين انتى عماله ترغى من الصبح ومعطلانى عاوزه اكتب مقالى الجديد
ELBENT ELMSRYA: الله
ELBENT ELMSRYA: وفين الموكا
evenin_myheart: انا اللي معطلاكي
ELBENT ELMSRYA: وعملاالى صاحبه كافيه ومش ارفه يعنى ايه موكا " مليتو البلد
evenin_myheart: تصدقي انا غلطانه اني خدتك علي اد عقلك من الاول اصلا
evenin_myheart: انا ناقصه فلسفه ومجانين عالصبح
evenin_myheart: اتفضلي معندناش موكاهات
ELBENT ELMSRYA: وكمان معندكوش موكا
ELBENT ELMSRYA: شكلكوا مفلسين اصلا
ELBENT ELMSRYA: وانا غلطانه انى دخلت هنا
ELBENT ELMSRYA: حتى نسال الناس دول ونشهدهم