even in my heart: ابتدينا
ومن اول يوم لها في الكافيه والهانم مش عارفه تيجي في معاد صح ابدا
اللهم طولك يا روح
احد الزبائن :هي مين الهانم دي يا انسه ايفن؟
even in my heart:نعم انت كمان!
انت مالك انت هي مين خليك في النسكافيه اللي بتشربه
even in my heart:صبرني يارب ومطردهاش من اول يوم
نفس الزبون:ان شاء الله يا انسه ايفن الغايب حجته معاه
even in my heart:لا اله الا الله تصدق انا بقي مش عاوزاها تيجي عشان خاطرك انت
وبعدين انت ايه اللي مقعدك عالكرسي ده الكرسي ده اللي بحب اقعد عليه روح اقعد في حته تانيه
والا اقلك انت ممكن تسيب الكافيه كله -اه الكافيه بتاعي وانا حره فيه هييه
"وترجع تقولك مبيعات "
احد العاملات في الكافيه :انسه ايفن هي البنت اللي قلتي عليها لسه مجتش
even in my heart:اه للاسف لسه الهانم مشرفتش
العامله:هو حضرتك عرفتيها منين اصلا؟
دي واحده اول معرفتي بيها كانت عن طريق المنتدي لقتها بنت لاسعه اوي
فكرتني بنفسي ايام الشباب قبل ما اعمل الكافيه وابقي حاجه حاجه مهمه في البلد
وبعدييييييين بقي بالصدفه مره كنت حاضره سكشن مع اصحابي في سكشنها
قلتلهم متعرفوش مين صيدلانيه علي ما تفرج ؟
قالولي نهي طبعا دي متسجله معانا في الجروب
قلتلهم امال هي فين مش بتشتغل معانا ليه ؟
قالولي ميييين نهي!!!
انتي بتهرجي؟
نهي مبتدخلش السكشن غير عالغياب بس وطول النهار تحت في الملعب
شويه ومعاد الغياب جه وجت معاه نهي
قالولي اهي نهي اهي جت اهيه
المهم اتعرفنا انا ايفن ومش عارف ايه وشويه دعابات سخيفه من بتوعها
المهم قالتلي هاتي ايميلك وخدت ايميلها ببص لاقيتها فتحت كشكول خير اللهم اجعله خير ملياان ايميلات ماشاء الله
اكتر كم ايميلات شفته في حياتي
بس اسكتي اسكتي قومي من هنا احسن دي شرفت
noha elmenisy: انا جييييييييييييت
ازيكوا يا شباب
معلش اسفه ع التاخير انتوا عارفين المواصلا ت بقي
ازيك يا بت يا يفن
even in my heart: بت!! بلعب معاكي انا في الشارع؟
even in my heart: احترميني انا صاحبه الكافيه
noha elmenisy: هشششششششششش
noha elmenisy: انتي تطولي العب معاكي
noha elmenisy: روحي اجري
even in my heart: ماشي عشان الناس اللي قاعده دي بس
noha elmenisy: ههههههههههههه
noha elmenisy: ماشي خلينا مؤدبين النهارده
noha elmenisy: اللهم طولك يا روح
even in my heart: ما علينا شكلنا مش هنطول مع بعض بس يالا خير
noha elmenisy: ياريت ما نطولش مع بعض
noha elmenisy: انتي اخرك النهارده معايا اصلا
even in my heart: طيب كويس جدا ياريت تسلمي عهدتك قبل ما تمشي بقي
noha elmenisy: عهده بس كده من عنيا الاتنين يا ماما
noha elmenisy: يالا بينا اصل شكل الناس زهقت مننا وهتقوم تروح من غير ما تدفع الحساب
noha elmenisy: وشكلك هتدبسيني فيه
even in my heart: ده العادي بتاعك ما انتي كل يوم بتطفشيهم
even in my heart: رايحه فين ؟
noha elmenisy: رايحه البس اليونيفورم
even in my heart:لا استني عاوزاكي اقعدي اخد رايك في حاجه
noha elmenisy: اه صحيح
انتي كنتي قلتيلي ان فيه موضوع كبيييييييييير اوي قد اتنين كيلو كده
noha elmenisy: خير اللهم اجعله خير
even in my heart: بقي خير يا ستي البت فتكات صاحبتي
noha elmenisy: اه فتكات دي حبيتي مالها
even in my heart: كانت بتحكيلي علي مشكله مع خطيبها النهارده
noha elmenisy: ايه ده هي اتخطبت
noha elmenisy: امتي؟
noha elmenisy: ما قالتليش الدزمه
noha elmenisy: لما اشوفها بس
even in my heart: من زمان يا بنتي هي بت ندله اصلا اقطعي علاقتك بيها انا لو منك يعني-اوعي تفتكري اني بوقع-
noha elmenisy: اه انتي جايه تهدي النفوس
noha elmenisy: وماله ما يضرش
noha elmenisy: المهم كملي
even in my heart: المهم
even in my heart: بتقولي ايه ان عيد ميلاد خطيبها جه
even in my heart: وهي قاعده محوشاله من زمان عشان تجيبله هديه ايه محصلتش
noha elmenisy: اااااااه انتي هتقوليلي
even in my heart: المهم نزلت وخدت ال100 جنيه ونزلتلك يا ستي عند ابو شاميه
even in my heart: عارفاه؟
even in my heart: دم محل جامد كده في شكري
noha elmenisy: يا لهوي
noha elmenisy: قلنا عارفينه
noha elmenisy: انتي هتوصفيه كمان
even in my heart: طيب خلاص افتكرتك لسه فلاحه
noha elmenisy: احم احم
noha elmenisy: اللهم طولك يا روح
even in my heart: المهم ايييييييه
even in my heart: وبعدين نقتله ساعه جامده اوي وغلفتها بقي مع دبدوب احمر بقي ونظام
even in my heart: عارفه انتي الجو ده بقي
noha elmenisy: ومفيش قلوب!!
noha elmenisy: عقبالك يا اختي لما تعملي الجو ده
even in my heart: يارب يا اختي يا رب
noha elmenisy: ولو اني اشك في ذلك
even in my heart: دزمه!
even in my heart: المهم رحتله وهي بقي طايره من الفرحه وقالتله كل سنه وانت طيب يا عتريس
noha elmenisy: يا حلاوه يا ولاه ع الرومانسيه
noha elmenisy: فتكات وعتريس
noha elmenisy: الا قوليلي يا بت يا ايفن لو جابوا عيل دول هيسموه ايه
even in my heart: اكيد بهانه ومخيمر يعني يا نهي
noha elmenisy: الله ع الرومانسيه
noha elmenisy: كملي يا كولومبسه
even in my heart: المهم اما اكملك
even in my heart: عتريس بصلها من تحت وفوق وقالها الساعه دي مش اصليه رجعيها يا فتكات
noha elmenisy: ايه ده ده هيتامر كمان
noha elmenisy: صحيح ما بيتمرش فيهم حاجه
even in my heart: فتكات تنحت وقعدت تغني مطمرش فيه الشيكولاته جابلي الحكايه علي بلاطه واتصدمت من رايه
noha elmenisy: عندها حق طبعا
even in my heart: جتلي تعيط وتحكيلي شفتي عريسي قليل الزوق ازاي
even in my heart: انا اول ما حكتلي وقالتلي ايه رايك
even in my heart: اول كومنت قلتهولها
even in my heart: ومرميتيش الدبله في وشه
even in my heart: انتي عارفه بقي فتكات طيبه وعلي نياتها
noha elmenisy: تلاقيها كانت ضيقه علي صباعها ولا حاجه
noha elmenisy: ما تظلميش البت
even in my heart: انا قلت كده برده
even in my heart: لا بجد يا بت يا نهي انتي لو في يوم جبتي لعتريسك لما يجي بالسلامه ان شاء الله في المستقبل هديه وادتيهاله وعمل كده ايه هيبقي رياكشنك؟
noha elmenisy: ري اكشناتي
noha elmenisy: ان شالله عني ما جبتله هديه اصلا
noha elmenisy: هو يطول
noha elmenisy: ده يبوس ايده شعر ودقن اني عبرته وجبتله هديه اصلا
even in my heart: عرسان اخر زمن والله يا بنتي
noha elmenisy: مش عارفه ايه ده يا اختي
even in my heart: ده الموضوع اللي انا جبتك عشانه ها ايه رايك اقول لفتكات
تعمل ايه؟
noha elmenisy:مش عارف والله يا بت يا ايفن انا مش عايزانا نخرب عليها
noha elmenisy:اقلك تجيش نعمل استفتاء وناخد رايي الناس اللي قاعده في الكافيه دول
even in my heart:والله فكره ولو اني اشك انهم اصلا هيملو منا وهيقومو ويسبو الكافيه ويمشو
noha elmenisy:طيب تعالي نجرب
even in my heart: لو انتو مكان عتريس يا شباب ممكن توصل بيكو قله الزوق انكم ترفضو هديه من خطيبتكم حتي لو مش عجباكم
even in my heart: ولو انتو يا بنات خطيبكم عمل كده ممكن ايه يبقي رد فعلكم
even in my heart: ده موضوع حلقتنا وانا بجد سعيده جدا اني كنت معاكي يا نهي ومع كل اللي استحملونا وتابعونا
noha elmenisy: والله كتر خيرهم انهم استحملوني انا وانتي يا دعاء
noha elmenisy: دا احنا اصلا مصيبتين واتلموا علي بعض
noha elmenisy: فاكره اتعرفنا علي بعض ازاي يا بت
noha elmenisy: ده كان يوم
noha elmenisy: ياريته ما جه ولا عرفت وشك اصلا
even in my heart: احم احم قلتلهم يا نهي قبل ما تيجي
even in my heart: ;;)
noha elmenisy: ولا كنتي اتهببتي وجيتي تحضري سكشن عندنا
noha elmenisy: هههههههههههههههه
noha elmenisy: ماله سكشنك يعني احنا ناقصين
even in my heart: احم احم انا عارفه انه كله من ورا قلبك يا نونتي
noha elmenisy: اه تبعا تبعا
noha elmenisy: دا انتي بنتي البكريه
noha elmenisy: حبيبه ماما
even in my heart: طيب يالا بقي نسيب الناس تقول رايهم في الموضوع
noha elmenisy: احنا محتاجين سقفه بقي علي كده
noha elmenisy: ويالا بقا احنا دوشناكم
noha elmenisy: يالا تصبحوا علي خير
even in my heart: تصبحوا علي الف خير بس حاولو تعودوا نفسكم علي ملل نهي لانها موجوده معاكوا كل اسبوع:p
وبعد ما قلبولنا الكافيه ندوة عن حقوق المرأة أشك إن حد من الزباين هيعتبه تاني
يالهوي !!
نشوفكم على خير
هناك 10 تعليقات:
قبل كل شئ رائع كعادتكم دايما يارب في تقدم ان شاء الله
اما انا بقي لو مكان الاخت فتكات فعمري ماهكمل معاه (طبعا دا رأيي الشخصي بالنسبالي انا يعني)
لآنه بالشكل دا عمري ماهعرف اتعامل معاه بعد كده
الرومانسيه عندي من الامور الاساسيه
اولا بحييكم على طريقه عرض الفكره دى فى رمضان هتعمل شغل بعد الفطار
اما بقى عن راييى فلو الشخص دا فعلا بيتكلم جد دا يبقى مادى جدا
بس منظلموش يمكن قاصده خير وبيقول انها اتخمت فى الساعه فترجعها وتاخد فلوسها ليها
لو كدا يبقى اوك
جامدين يا بنانيت :D
بس فرجت اتهزقت جامد اوي هو يعني يا كلمبسه اكمن ربنا فتحها عليكي هتطيحي في الناس مانتي كنتي يوم من الايام طالبه معاها في سكشن اهه :P
المهم بقى بالنسبه لموضوع انه يرفض هديه ده المفروض انه اي حد يجيب لحد اي حاجه لازم يتقبلها حتى لو كانت حاجه بسيطه جدا لانه كفايه انه فكر فيه
انا بقول انه فترة الخطوبه هي فترة تعارف يعني انك بتنبني ملامح للشخصيه اللي قدامك عشان تشوفي هتعرفوا تستمرو ولا لأ
ممكن يكون هو قليل الذوق ومابيفهمش :P:D يعني ده تكون احد عيوبه او مثلا مدب :D وفيه شخصيات كتير كده بس ده بيعتمد بقى على باقي الشخصيه يعني لو فيه حاجات حلوه تانيه تخبي على عيبه ده اوك نستحمله مافيش بقى لا وانا احرق دمي كل شويه ليه الباب وعلى ايه يعني انا قاعده في بابي معززه مكرمه وأقلها اوفر ال 100 جنيه :D
قبل كل شئ رائع كعادتكم دايما يارب في تقدم ان شاء الله
زوزه انتي عارفه اد ايه انا بستني رايك كل مره مرسي يا جميل الحمد لله انها عجبتك
اما انا بقي لو مكان الاخت فتكات فعمري ماهكمل معاه (طبعا دا رأيي الشخصي بالنسبالي انا يعني)
لآنه بالشكل دا عمري ماهعرف اتعامل معاه بعد كده
الرومانسيه عندي من الامور الاساسيه
هو المشكله مش في الرومانسيه المشكله في قله الزوق يعني انا لو هحكم عالشخص ده في نظري ممكن يستاهل اعدام والا حاجه
واخيرا هقول لفتكات رايك برده:d
اولا بحييكم على طريقه عرض الفكره دى فى رمضان هتعمل شغل بعد الفطار
ايه ده يااااه هو احنا فينا امل نستمر لحد رمضان من غير ما تزهقوا منا :p
اما بقى عن راييى فلو الشخص دا فعلا بيتكلم جد دا يبقى مادى جدا
بس منظلموش يمكن قاصده خير وبيقول انها اتخمت فى الساعه فترجعها وتاخد فلوسها ليها
لو كدا يبقى اوك
يا سلااااام يا ست نودي حتي لو اتخمت مجرد انها تجيبلو هديه حتي لو مش عاجباه
انتي بتتكلمي في ايه عادي كده يرفضها او يقولها ترجعيها
عموما برده هوصل رايك لفتكات:d
وعاوزه اشوف رايك علطووووول
جامدين يا بنانيت :D
بس فرجت اتهزقت جامد اوي هو يعني يا كلمبسه اكمن ربنا فتحها عليكي هتطيحي في الناس مانتي كنتي يوم من الايام طالبه معاها في سكشن اهه :P
هههههههههههههههه
معلش يا شووو احنا موصلناش للمركز اللي انا فيه ده بالساهل :p لازم اتنطط عليهم شويه:p
رايك تحففه بجد يا شوووو بس انا من رايي انه علي ايه بابا اولي بيه برده :p لا بجد انا بقول فعلا زي ما انتي قلتي علي حسب الشخصيه يعني لو الشخصيه دي فيها من المميزات اللي يخليني اضحي واتغاضي عن قله الزوق دي انا ممكن اعلمه الاول ولو منفعش ابقي اضحي بقي:
p
بس بجد منوره يا شووو ومستنياكي كل حلقه ان شاء الله
ايه يابنات الشغل الجامد ده
تسلم دماغكم والله
طريقة عرضكم جميلة جدا
وانا هاجي الكافيةوهانفعكم اي خدمة
اهلا بيكو يا بنات
وميرسي جدا ع الرد
طبعا منورانا يا زوزو
ونودي وفوفا حبيايب ماما نورتوا يا حبايبي
ومعلش بقي يا شو انا صحيح اتهزات
بس اكل العيش بقي اعمل ايه
اقولك حاجه بس مش تقوليها لايفن
انا هغير مفاتيح الكافي تيجي هي الكره الجايه تفتحها مش هتفتح معاها وانا اللي هبقي صاحبه الكافيه بقي
بس اوعي تقوليها ماشي
ما شاء اللة على الفكرة يابنات ربنا معاكو بجد المدونة والتدوينات جميلة جدا وأسلوبكم فى العرض جميل .
وياريت تزورا مدونتى همسة صيدلانية
ومبارك عليكم الشهر
وكل عام وانتم إلى اللة أقرب وعلى طاعة أدوم
همسه وانتي طيبه يارب وبجد انتي نورتينا جدا ونورتي البلوج كله
وياريت تكتبيلنا لينك البلوج بتاعك عشان نشوفه يا جميل
إرسال تعليق